Жамбыл және Қызылорда облыстары ауыл мектептерінің мұғалімдеріне арналған вебинарлар
16-17 қыркүйек аралығында Білім беру бағдарламалары орталығының пәндік үйлестірушілері «Ауыл мектебі» жобасы аясында Жамбыл және Қызылорда облыстарындағы Н. Ақшабаев, Б. Беспаев, Құттықожа, Ж. Махамбетов, Т. Айтбаев және Н. Ілиясов атындағы ауылдық орта мектеп мұғалімдеріне арналған жаңартылған білім беру мазмұнының оқу бағдарламаларын жүзеге асыру ерекшеліктері туралы вебинарлар өткізді.
Вебинарлар шеңберінде мұғалімдердің назары оқушылардың бойында жобалық қызметтің зерттеу, коммуникативтік және мәселелерді шешу дағдыларын қалыптастыру және дамыту әдістеріне, тілдік құзыреттілікті дамытуға әсер ететін интерактивті әдістерді тиімді қолдану жолдарына аударылды. Қатысушылардың кері байланыстарына сәйкес вебинарлар пайдалы әрі қызықты өтті.
Мұғалімдерге арналған оқыту вебинарларының екінші кезеңі «Жаратылыстану», «Физика», «Химия», «Биология», «География» пәндерінен зертханалық және практикалық жұмыстарды ұйымдастыруға және жүргізуге бағытталған проблемаға негізделген оқуға, CLIL аспектілері мен коммуникациялық дағдыларды дамытуға, функционалдық сауаттылықты қалыптастыруға арналады.
Атырау қаласының «Зияткер» мамандандырылған мектеп-лицей-интернаты» КММ 9-10-сынып мұғалімдеріне оқыту вебинарларын өткізу
2-3 қыркүйекте Білім беру бағдарламалары орталығының пәндік үйлестірушілері «Атырау облысының орта білім беру жүйесін дамытуға жәрдемдесу» жобасын іске асыру шеңберінде «Зияткер» мектебінің 9-11-сынып мұғалімдері үшін жаңартылған білім беру мазмұнының оқу бағдарламаларын іске асыру ерекшеліктері бойынша вебинарлар өткізді.
Педагогтерді оқыту барысында келесі өзекті тақырыптар қарастырылды: сөйлеу қызметінің дағдыларын және оқу сауаттылығын дамыту; академиялық жазу дағдылары; пәндік-интеграцияланған оқытуды (CLIL) енгізу; математикалық, жаратылыстану-ғылыми және цифрлық сауаттылықты дамыту; практикалық жұмыстарды өткізу курсы; бағдарламалау бойынша практикум; тарих сабақтарында оқушылардың тарихи ойлауын және зерттеу қызметін дамыту.
«Зияткер» мамандандырылған мектеп-лицей-интернаты» Жобасы аясында жоғары мектеп пәндерінің мазмұнын тереңдету және кеңейту мақсатында жаратылыстану-математикалық, лингвистикалық және қоғамдық-гуманитарлық бағытындағы қазақ және орыс тілдерінде 17 элективті курс әзірленді және берілді. Әзірленген элективті курстар аясында 2021 жылдың қазан айына мектеп педагог мамандарын оқыту жоспарланған
Жаңа оқу жылына қауымдастық құру және әлеуметтік-эмоционалдық білім беру құралдары
Көптен күткен жаңа оқу жылы да басталды. Оқушыларымыз үшін мектепке жиналып, жаңалықтарымен, жаңа әсерлерімен емін-еркін бөлісудің, қызықты сәттерін талқылаудың кезі келді. Ал мұғалімдеріміз үшін оқушыларын жаңа идеяларымен және оқу құралдарымен таныстырудың сәті түсті.
Осы мақсатта Gettingsmart платформасы (www.gettingsmart.com) оқушылармен қарым-қатынас орнатуға және әлеуметтік-эмоционалдық білім беруге (SEL) бағытталған құралдармен қысқаша таныстыратын мұғалімдерге арналған материалдар әзірледі. Оқу жылының басында педагогтер оқушылармен танысып, қарым-қатынас орнатуға, олардың жан-жақты таланттарын ашуға, сондай-ақ оларға және олардың отбасыларына мектеп, мұғалімдер мен оқушылар туралы тереңірек білуіне мүмкіндік беруге назар аударғаны абзал.
Gettingsmart ұсынып отырған бұл құралдардың айрықша ерекшелігі – оларды сыныптастарымен танысу, білім алмасу, жаңа идеяларды зерттеу және SEL дағдыларын дамыту үшін оқу жылының басында қолдануға болады. Бұл құралдарды қолдану цифрлық баяндау, цифрлық портфолио, PBL немесе «Данышпанмен бір сағат» арқылы тәуелсіз оқыту және т.б. шаралар сияқты жыл бойы бағалауға өте ыңғайлы және олар оқушылардың үні мен таңдауын дамытуға ықпал етеді. Олар сонымен қатар оқушылардың мектеп өмірінің түрлі салаларына белсенді араласуына жақсы мүмкіндік болып табылады, себебі оқушылар сабаққа тұтынушы ретінде емес, жасампаз ретінде қатысады.
Бұл құралдар туралы келесі сілтемелерден толығырақ біле аласыз:
«Пән мен тілді кіріктіріп оқыту (CLIL): Оқушылардың оқу сауаттылығын дамытуға арналған CLIL тапсырмалары»
«Білім беру бағдарламалары» филиалының мамандары үштілді білім беру саясатын жүзеге асыру аясында Назарбаев Зияткерлік мектептерінің мұғалімдері үшін 2021 жылдың 25-27 тамызы аралығында «Пән мен тілді кіріктіріп оқыту (CLIL): Оқушылардың оқу сауаттылығын дамытуға арналған CLIL тапсырмалары» онлайн семинарларын өткізді. Онлайн семинарлар «Қазақстан тарихы», «Қазақстан тарихы (Қазіргі әлемдегі Қазақстан)», «География» және «Құқық негіздері» пәндерінің мұғалімдері үшін қазақ тілінде, ал «Химия», «Биология», «Жаһандық перспективалар және жоба жұмысы», «Физика» және «Информатика» пәндерінің мұғалімдері үшін ағылшын тілінде жүргізілді. Семинарларға жалпы саны 136 мұғалім қатысты. Семинар барысында CLIL тәсілдемесін жүзеге асыру, CLIL стратегиялары, скаффолдинг сияқты маңызды сұрақтар қарастырылды. Практикалық бағыттағы семинардың пайдалылығы мен тиімділігін пән мұғалімдері ерекше атап өтті.
Ресей Федерациясы Ханты-Мансийск автономиялықокругініңпедагогикалыққызметкерлерініңтамызкеңесіаясындашеберлік сабағы
Ағымдағы жылдың 26 тамызында Білім беру бағдарламалары орталығының қызметкері (бұдан әрі – Орталық) Ханты-Мансийск автономиялық округінің педагог қызметкерлерінің 2021 жылғы тамыз кеңесі аясында педгогтер мен білім беру қызметкерлеріне арнап шеберлік сабағын өткізді.
«Пән мен тілді кіріктіріп оқыту (CLIL)» тақырыбында өткен шеберлік сабағын Самат Кальменов жүргізді. Шеберлік сабағы онлайн форматта ZOOM платформасы мен YouTube желісінде жүргізілді.
Шеберлік сабағында Самат Кальменов қатысушыларға инновациялық CLIL тәсілдемесін пайдалану және Назарбаев Зияткерлік мектептеріндегі үш тілде білім беру тәжірибесі туралы айтты.
Сонымен қатар қатысушылар CLIL аясында оқушылардың білімін жандандырудың негізгі әдістерімен танысып, өз тәжірибе қорын білімді жандандырудың бірнеше жаңа стратегиясымен толықтыра алды.
