11-15 сәуір аралығында Білім беру бағдарламалары орталығында ЭЫДҰ халықаралық сарапшысы Фил Ламберттің жетекшілігімен семинар-тренинг өтті. Семинар барысында оқу бағдарламаларын жобалау мен әзірлеудің негізгі қағидалары қарастырылды.
Білім беру бағдарламалары орталығының пән мамандары 2022 жылдың 3-4 ақпанында ауылдық мектептердің мұғалімдеріне әдістемелік көмек көрсету мақсатында «Қазақ тілі», «Орыс тілі», «Ағылшын тілі», «Математика», «Информатика», «Химия», «Биология», «География» пәндерінен оқушылардың функционалдық сауаттылығын дамыту бойынша қазақ және орыс тілдерінде вебинарлар жүргізді.
Вебинарға Ақмола, Шығыс Қазақстан, Жамбыл, Қызылорда, Қарағанды, Солтүстік Қазақстан облыстарының 14 ауыл мектептерінен 155 мұғалім қатысты.
Вебинарлар аясында оқушылардың функционалдық сауаттылығын қалыптастыруға арналған тапсырмалар талданды, нақты әдістемелік ұсынымдар берілді.
«Атырау облысының орта білім беру жүйесін дамытуға қолдау көрсету» жобасының аясында 27-28 желтоқсан күндері Атырау қаласында облыстың 50 жалпы білім беретін «Көркем еңбек», «Музыка» және «Өзін-өзі тану» пәндерінің мұғалімдеріне «Өнер түрлері арқылы оқушылардың эмоционалды интеллектісін дамыту» тақырыбында оқу семинары өтті.
Екі күндік семинар барысында мұғалімдер «Өнер түрлері арқылы оқушыларда эмоционалды интеллектіні дамыту» элективті курсының ерекшеліктері және мазмұнымен танысты. Қатысушылар музыка, бейнелеу өнері, театр және кино өнерінің көркемдік құралдары арқылы оқушыларда эмоционалды интеллектіні дамытудың жолдарын, өзінің және өзгенің эмоцияларын тану, білу, басқару және реттеу, түрлі жағдайларда эмпатияны білдірудің тәсілдерін үйренді, сонымен қатар өзіндік сана сезім, өзін өзі басқара білу, әлеуметтік сезгіштік, қарым-қатынасты реттеу сынды эмоционалды интеллектінің компоненттері де қарастырылды.
Семинардың қатысушылары көркемдік, музыкалық шығармаларды талдап, би, ән, сурет салу, қойылымды сахналау, кино түсіру арқылы эмоцияларды жеткізудің тәсілдерін меңгерді. Мұғалімдер сонымен қатар, У.Шекспирдің «Ромео және Джуальетта» спектаклінен үзінді қойып, бір минуттық қысқаметражды фильм түсіріп, оны тамашалады.
Білім беру бағдарламалары орталығы ұйымдастырған «Жаппай стандарттаудан жаппай бірегейлікке: еңбек нарығындағы жаңа талаптар» атты қорытынды дөңгелек үстелге 1000-нан астам қатысушы қосылды.
Дөңгелек үстел жұмысына отандық және халықаралық сарапшылар қатысып, қазіргі заманғы дербестендіру және жасанды зият дәуірінің жағдайларындағы білім берудің болашағы тақырыбының аясында пікірлерімен бөлісті. Спикерлер еңбек нарығының жаңа талаптарын, сондай-ақ қазіргі балаларда дамытуды қажет ететін негізгі құзыретіліктер мен дағдыларды талқылады.
Үстел қатысушыларына Білім беру бағдарламалары орталығы дайындаған Ыбырай Алтынсариннің еңбектері туралы «Ұлы ұстаз салған сара жол» фильмі ұсынылды, еңбектерінде ғалым мектеп оқушылардың жеке қажеттіліктеріне қалайша жауап беруі тиіс екенін жазады.
«Атырау облысының орта білім беру жүйесін дамытуға қолдау көрсету» жобасы аясында «Зияткер» мамандандырылған мектеп-лицей-интернаты» үшін жоғары мектеп пәндерінің мазмұнын тереңдету және кеңейту мақсатында қазақ және орыс тілдерінде жаратылыстану-математикалық, лингвистикалық және әлеуметтік-гуманитарлық бағыттар бойынша 17 элективті курс бағдарламасы әзірленді.
Орталық қызметкерлері 2021 жылдың 22-25 қарашасы аралығында «Зияткер» мамандандырылған мектеп-лицей-интернаты» КММ-нің 10-11 сынып мұғалімдеріне әзірленген элективті курстар бойынша оқушылардың жобалық жұмыстарды ұйымдастыру, зерттеу
дағдыларын дамыту, тәжірибелік-эксперименттік жұмыстарды өткізуге арналған вебинарлар ұйымдастырды.
Вебинарлар барысында мұғалімдер элективті курс бағдарламаларының мазмұны, құрылымы мен ерекшеліктерімен танысты.
