«Атырау облысының орта білім беру жүйесін дамытуға қолдау көрсету»

28-29 сәуір аралығында Білім беру бағдарламалары орталығының мамандары «Атырау облысының орта білім беру жүйесін дамытуға қолдау көрсету» жобасы аясында Атырау облысының 60 мұғалімі үшін зертханалық және тәжірибелік жұмыстар арқылы оқушылардың зерттеушілік дағдыларын дамытуға бағытталған екі күндік оқыту семинарын өткізді.

Семинар барысында жаратылыстану-ғылыми сауаттылықты қалыптастыруға ықпал ететін зерттеу кезеңдері, тапсырма түрлері қарастырылды.

Мұғалімдер тәжірибе жүзінде зертханалық және практикалық жұмыстарды ұйымдастыру және өткізу ерекшеліктерін қарастырды, STEM-сабақтарын әзірледі, сонымен қатар химия, физика және биология сабақтарында проблемалық оқытуды енгізуге арналған құралдарды қолданды. Pasco цифрлық жабдықтарын пайдалана отырып, зертханалық жұмыстарды орындады.