Еліміздiң жалпы білім беретін мектеп оқушыларына арналған қашықтан оқыту бейнесабақтарын әзірлеу жұмыстары жалғасуда.

 Педагогтар, операторлар, техникалық редакторлар және тағы басқа мамандардың бірлескен үлкен командасымен оқушыларды қашықтан оқытуға арналған бейне-сабақтарды жобалауда ауқымды жұмыс жалғасын тауып келеді.

Аталған жобада «Назарбаев Зияткерлік мектептері» ДББҰ-ның «Білім беру бағдарламалары орталығы» филиалының мамандары белсенді түрде ат салысуда.

Унгарбаева Айымгул Есенжановна 16 сәуір күні Республикалық «Балапан» каналынан  «Қазақстан тарихы» пәнінен қазақ тілді 7-8 сынып оқушыларына арналған алғашқы онлайн сабағын өткізді.

Айымгул Унгарбаева – орта білімнің мазмұнын жаңарту аясында «Қазақстан тарихы» және «Құқық негіздері» пәндерінің оқу бағдарламаларының құрастырушыларының бірі. 13 жылдық еңбек өтілі бар тарих мұғалімі, оқулық авторы, сонымен қатар, жалпы білім беретін мектеп мұғалімдеріне арналған «Жүйелі-әдістемелік кешеннің» пәндік эксперті және модераторы.

Құлмагамбетова Ақсұлу еліміздің жалпы білім беретін мектептерінің оқушыларын қашықтықтан оқытуды ұйымдастыру жобасына  қатысады

          Қазақстан Республикасының Білім министрлігі және Bilim Media Groupe  компаниясының ұйымдастыруымен өтетін  бейнесабақтар мазмұнын дайындау мен жүргізуге  «Назарбаев Зияткерлік мектептері» дербес білім беру ұйымы мамандары белсенді түрде ат салысуда. 7 сәуірде  «Назарбаев Зияткерлік  мектептері» ДББҰ-ның «Білім беру бағдарламалары орталығы» филиалының «Лингвистикалық бағыттағы пәндер бөлімінің»  аға менеджері  Ақсұлу Шынболатқызы Құлмағамбетова  9-сынып оқушылары үшін «Қазақ тілі мен әдебиеті» сабағын өткізді. Бұл сабақ Ақсұлу Шынболатқызының дайындаған 15 сабағының ең алғашқысы болып табылады.

         Ақсұлу Шынболатқызы Құлмағамбетова «Қазақ тілі»,  «Қазақ тілі мен әдебиеті» пәндері бойынша жаңартылған білім беру мазмұнындағы оқу бағдарламаларын құрастырушылардың бірі және аталған пәндер бойынша Жүйелік әдістемелік кешеннің пәндік үйлестірушісі және модераторы.  Бүгінде білім сапасын арттыру бағытында түрлі әдістемелік құралдар, мақалалар жариялаумен әдіскер мамандар арасында кеңінен  танымал. Қиын-қыстау уақытта белсенділік танытып, болашақтың ертеңі үшін ерен еңбек етіп жатқан әріптесімізге алғыс білдіреміз және табыс тілейміз.

Еліміздің мектеп оқушыларын қашықтан оқытуға арналған бейне–сабақтарды әзірлеу жұмысы

Мәжбүрлі түрде қашықтан оқытуға көшуге байланысты, 2020 жылдың 19 наурызынан бастап «Назарбаев Зияткерлік мектептері» ДББҰ «Білім беру бағдарламалары орталығы» (ары қарай – Орталық) филиалының мамандары бейне-сабақтарды әзірлеуге және түсіруге қатысуда. Бұл сабақтар «Ел Арна» және «Балапан» республикалық телеарналары арқылы таратылады.

Төтенше жағдайға байланысты мектеп оқушыларын қашықтан оқыту формасына көшу орта білім жүйесі үшін күрделі тапсырма болып табылады. Бұл тапсырманы орындауда Орталық шетте қалмай, сабақтарды әзірлеуге, редакциялауға, сондай-ақ, оларды түсіру жұмысына белсенді қатысып отыр. 

Орталық қызметкерлерінің бағдарламаларды, сабақтарды және сандық білім беру ресурстарын әзірлеуде тәжірибесі мол. Осындай тәжірибе мектеп оқушыларына үздіксіз білім беруге бағытталған ауқымды жобаның түсірілімін сәтті іске асыруға ықпал еткенін атап өту қажет. Бейне-сабақтардың түсірілімін BilimMediaGroup компаниясы ұйымдастырды.

Бүгінгі күні Орталықтың 9 қызметкері сабақтарды әзірлеу және түсіру жұмыстарына қатысуда. Олар: Қаламқас Байтенова, Ақсұлу Құлмағамбетова, Наталья Орехова, Перизат Бигазина, Айғаным Сатылова,  Нұрлыгұл Дәулеткереева, Бибігүл Қалиева, Айымгүл Оңғарбаева, және Нұрбақыт Акульбекова.

Қаламқас Байтенованың қатысуымен қазақ тілінде 1-сыныпқа арналған «Математика» пәні бойынша 6 сабақ және «Дүниетану» пәні бойынша 2 сабақ өткізілді. Оған қоса тағы 20 сабақ түсірілімі жоспарланып отыр, атап айтқанда «Математика» пәні бойынша 15 сабақ, «Дүниетану» пәні бойынша 5 сабақ.

Перизат Бигазина  «Жаратылыстану» пәні бойынша 1-4 сыныптар үшін қазақ тілінде 8 бейнесабақтың түсіріліміне қатысты. Тағы 20 сабақ түсіру жоспарлануда.

Наталья Орехованың қатысуымен орыс тілінде 1-4 сынып оқушылары үшін «Математика» пәні бойынша 4 сабақ, «Жаратылыстану» пәні бойынша 10 сабақ түсірілді. «Математика» пәні бойынша тағы 15 сабақ, ал «Жаратылыстану» пәні бойынша 20 сабақ әлі түсірілетін болады.

Ақсұлу Құлмағамбетова 3, 8, 9-сынып оқушыларына «Қазақ тілі мен әдебиеті» Т2 пәні бойынша бейне түсіріліміне қатысуда. Оның қатысуымен 5 сабақ түсірілді, тағы 15 сабақ жоспарланған.

Айғаным Сатылова «Қазақ тілі» Т1 пәні бойынша 5-сынып оқушыларына арналған 12 бейнесабақ түсіріліміне қатысуда.

Бибігүл Қалиева 7, 8-сынып оқушылары үшін «Қазақстан тарихы» және «Дүниежүзі тарихы» пәндері бойынша орыс тілінде бейнесабақтарды түсіруге қатысуда. «Дүниежүзі тарихы» пәні бойынша 7-сынып оқушылары үшін 3 сабақ және «Қазақстан тарихы» пәні бойынша 8-сынып оқушылары үшін 2 сабақ түсіріліп болған, ал «Дүниежүзі тарихы» және «Қазақстан тарихы» пәндерінің әрқайсысы бойынша тағы 7 сабақтан түсіру жоспарлануда.

Айымгүл Оңғарбаева 7, 8-сынып оқушылары үшін «Қазақстан тарихы» пәні бойынша қазақ тілінде бейнесабақтарды түсіруге қатысуда. 2 сабақ түсірілген, тағы 14 сабақты түсіру жоспарланған.

Нұрбақыт Акульбекова 8-сынып оқушыларына арналған «Орыс тілі мен әдебиеті» Т2 пәні бойынша 3 бейнесабақты әзірлеуге қатысты.

Нұрлыгүл Дәулеткереева «Қазақ тілі» Т1 пәні бойынша 9-сыныптарға арналған 4 сабақты әзірлеуге қатысты. Сонымен қатар 7-сынып оқушылары үшін «Қазақ тілі» Т1 пәні бойынша 2 сабақты әзірлеу барысында әдістемелік көмек көрсетті.

«Математика», «Жаратылыстану», «Дүниетану», «Қазақстан тарихы», «Дүниежүзі тарихы», «Қазақ тілі», «Қазақ тілі мен әдебиеті», «Орыс тілі мен әдебиеті» пәндері бойынша 1-9 сыныптар үшін екі тілде 42 бейнесабақ түсірілді. Жақын арада жоғарыда айтылған пәндер бойынша 1-9 сыныптар үшін 125 бейне сабақ түсіру жоспарланып отыр.

Білім беру бағдарламалары орталығының қызметкерлері жалпы білім беретін мектеп мұғалімдерінің 40 бейнесабағына сараптама жүргізді. Бейнесабақтарды жақсартуға қатысты әдістемелік ұсыныстар жасалды.

Сондай-ақ, Орталық елде орын алған төтенше жағдай және карантин уақытына STORE.NIS.EDU.KZ платформасындағы сандық білім беру ресурстарын тегін пайдалану мүмкіндігін берді.

Құрметті оқырмандар, өзіңізді және жақындарыңызды қорғаңыздар! Онлайн оқыту мүмкіндіктерін пайдалана отырып, әрі оң көңіл-күйді сақтай отырып, біз балаларға уақытты пайдалы өткізуге көмектесеміз, олардың білімін дамытамыз да арттырамыз!

Біз біргеміз! Bizbirgemiz!

ЭЫДҰ-ның халықаралық сарапшысы Фил Ламберттің қатысуымен семинар ұйымдастырылды

2020 жылдың 3-5 наурызы аралығында Білім беру бағдарламалары орталығының (ары қарай – Орталық) қызметкерлері үшін ЭЫДҰ-ның халықаралық сарапшысы Ф. Ламберттің қатысуымен семинар өткізілді.

Үш күндік оқу бағдарламасының мақсаты –  оқушылардың метапәндік дағдыларын дамыту призмасы арқылы қалаулы және қол жеткізілетін куррикулум арасындағы алшақтықты азайтуға бағытталған мониторинг бойынша пән мамандарының дағдыларын жетілдіру.

Семинардың алғашқы күнінде қатысушылар NIS-Programme бағдарламасының жүзеге асырылуына жүргізіліп жатқан ағымдағы мониторингтің негізгі элементтерін талқылады. Пән мамандарының мониторинг бойынша нақты мәселелерді талқылауға, кері байланыс алуға және сарапшыдан ұсыныстар алуға мүмкіндіктері болды.  

Келесі екі күнде шығармашылық ойлау, сыни тұрғыдан ойлау, ақпараттық-коммуникациялық дағдылар, өзара іс-қимыл және мәселелерді шешу сияқты метапәндік дағдыларды дамыту стратегияларына арналды. Қатысушылар өз пәндері бойынша метапәндік дағдылардың элементтері мен субэлементтерін анықтау бойынша стандартты емес тапсырмаларды орындады.

Семинар нәтижесі бойынша қатысушылар сертификаттармен марапатталды.