«Болашақ білім беру мен дағдылар: Білім беру – 2030» жобасы аясындағы ЭЫДҰ жарияланымдарының көрсетілімі

25-26 қараша күндері «Болашақ білім беру мен дағдылар: Білім беру – 2030» жобасы шеңберінде ЭЫДҰ-ның кезекті виртуалды форумы өтті. Форумда куррикулум бойынша екі халықаралық есеп ұсынылды.

«Бүгінгі куррикулум мазмұны және оның 21 ғасыр куррикулум талаптарына сай болуы» атты бірінші есеп куррикулумның оқушылардың болашақ қажеттіліктеріне жауап бере алмай, артта қалу мәселелеріне арналды. «Куррикулумның шамадан тыс жүктемесі: мәселені шешу жолдары» атты екінші есебі куррикулумның шамадан тыс жүктелу мәселесін шешу жолдарына арналған. 

ЭЫДҰ үшін түрлі стейкхолдерлердің дауысы маңызды. Бұл форум да ол ережелерден алшақ кетпеді. Есептерді Франция, Литва, Нидерланды, Корея, Израиль және басқа елдердің мұғалімдері мен оқушылары, білім министрліктерінің қызметкерлері ұсынды. Шақырылғандардың ішінде Алматы қ. ФМБ НЗМ 11-сынып оқушысы Джафар Қабиденов те болды. Ол пандемия кезіндегі өз оқу тәжірибесін қысқаша сипаттап, оқушылардың қашықтықтан оқыту кезінде кездескен қиындықтарымен бөлісті, кері байланыс пен қалыптастырушы бағалаудың маңыздылығын атап өтті.  

Келесі жаһандық форум Эстонияда 2021 жылдың мамыр айына жоспарланған.

Есептермен және есептердің бейнетаныстырылымдарымен төмендегі сілтеме арқылы танысуға болады https://www.oecd.org/education/2030-project/curriculum-analysis.

Еліміздiң жалпы білім беретін мектеп оқушыларына арналған қашықтан оқыту бейнесабақтарын әзірлеу жұмыстары жалғасуда.

 Педагогтар, операторлар, техникалық редакторлар және тағы басқа мамандардың бірлескен үлкен командасымен оқушыларды қашықтан оқытуға арналған бейне-сабақтарды жобалауда ауқымды жұмыс жалғасын тауып келеді.

Аталған жобада «Назарбаев Зияткерлік мектептері» ДББҰ-ның «Білім беру бағдарламалары орталығы» филиалының мамандары белсенді түрде ат салысуда.

Унгарбаева Айымгул Есенжановна 16 сәуір күні Республикалық «Балапан» каналынан  «Қазақстан тарихы» пәнінен қазақ тілді 7-8 сынып оқушыларына арналған алғашқы онлайн сабағын өткізді.

Айымгул Унгарбаева – орта білімнің мазмұнын жаңарту аясында «Қазақстан тарихы» және «Құқық негіздері» пәндерінің оқу бағдарламаларының құрастырушыларының бірі. 13 жылдық еңбек өтілі бар тарих мұғалімі, оқулық авторы, сонымен қатар, жалпы білім беретін мектеп мұғалімдеріне арналған «Жүйелі-әдістемелік кешеннің» пәндік эксперті және модераторы.

«Болашақ білім мен дағдылар: Білім беру – 2030» ЭЫДҰ жобасы аясындағы екінші виртуалды жаһандық форум

«Назарбаев Зияткерлік мектептері» ДББҰ (бұдан әрі – НЗМ) 2020 жылы «Болашақ білім мен дағдылар: Білім беру – 2030» ЭЫДҰ жобасында Қазақстанның атынан ұлттық үйлестіруші ретінде жұмысын жалғастырды. Осы жылдың қазан айында НЗМ ЭЫДҰ ұйымдастырған екінші виртуалды жаһандық форумға қатысты (бұдан әрі – форум). Бірінші форум 2020 жылдың мамыр айында өтті.

Форумға НЗМ атынан Жанар Абдильдина, Зухра Шегенова, Мадина Тыныбаева, Әсем Еркінова, Зарина Хамидулина және Нұр-Сұлтан қаласындағы ФМБ НЗМ директорының орынбасары Айдар Хорошаш қатысты. Сондай-ақ, форумға Нұр-Сұлтан қаласындағы ФМБ НЗМ-нің 10- және 12-сынып оқушылары Рахат Жакиенов, Аружан Аусат, Азат Тыртыкаев, Ақтау қаласындағы ХББ НЗМ-нің 11-сынып оқушылары Жанерке Сулейменова, Гульфайруз Ниялова қатысты. Алматы қаласындағы ФМБ НЗМ оқушысы Джафар Кабиденов ЭЫДҰ хатшылығының шақыруымен форумға екінші рет қатысып, топ жұмысының нәтижелерін таныстырды.

Бірінші форумда әр елдердің өкілдері пандемия жағдайында білім беру бағдарламаларын жүзеге асыру мәселелерін шешудегі қиындықтар мен шешімдерді ұсыну мүмкіндіктерін қарастырды. Екінші форумда мектептердің ашылуына, жаңа оқу жылының басталуына қатысты сұрақтар мен қиындықтар, сонымен қатар білім берудегі әділдік пен теңдік мәселелеріне зер сала отырып қарымта шаралар қарастырылды.

Халықаралық сарапшылардың қатысуымен ZOOM онлайн-платформасында екі күндік топтық жұмыс жүргізілді. Әлемнің әртүрлі елдеріндегі оқушылардың пікірлері мен тәжірибелеріне ерекше назар аударылды. Топтардағы пікірталастар «оқушылар үніне» құлақ асудан басталды. НЗМ оқушылары әртүрлі фокус-топтарға кіріп, білім беру бағдарламасына, бағалауға, жаңа оқу жылындағы оқу үдерісіне қатысты тәжірибелерін сипаттап, пікірлерімен бөлісті.

Бірінші күні топтық жұмыстың негізгі бағыты – білім беру бағдарламасы мен бағалау арқылы теңдіктегі алшақтықты азайту, оның ішінде үлгерімнің төмен болуы, оқушылардың мектепке бармауы, оқудағы олқылықтар, оқушылардың әл-ауқаты мен уәждемесін қоса алғанда. Форумның екінші күні әртүрлі елдердегі мұғалімдермен және ғалымдармен бірлесіп пандемия кезіндегі мұғалімдер мен оқыту рөлінің өзгеруі, сондай-ақ «Оқыту тұсбағдары – 2030» тұрғысынан болашақ мұғалімнің бейнесі, мұғалімдер мен оқушылар арасындағы қарым-қатынас, оқу ортасы талқыланды. Қатысушылар бірлесіп «Мұғалім тұсбағдары – 2030» (жоба атауы) жобасын әзірледі.

«Болашақ білім мен дағдылар: Білім беру – 2030» жобасы туралы толығырақ ақпаратты сілтеме арқылы алуға болады https://www.oecd.org/education/2030-project/.