Cepadmin | ЦОП

Қазақстандағы көптілді білім берудегі CLIL сабақтарының тәжірибесі: нұсқаулар мен мысалдар

by Cepadmin | Нау 9, 2021 | Пайдалы жарияланымдар

Қазақстандағы көптілді білім берудегі CLIL сабақтарының тәжірибесі: нұсқаулар мен мысалдар.

«Қазақстандағы көптілді білім берудегі CLIL сабақтарының тәжірибесі: нұсқаулар мен мысалдар» кітабы Назарбаев Университеті Жоғары білім беру мектебінің қауымдастырылған профессоры Шабиер Сан Исидроның, Сұлушаш Керімқұлованың және қолданбалы лингвистика саласында танымал болған ғалымдардың бірі Эдинбург университетінің профессоры До Койлдың редакциясымен шығарылды. Кітапты жазуға Назарбаев Университетінің Жоғары білім беру мектебінің студенттері де қатысты.

Бұл басылым пән мен тілді кіріктіріп оқытуға (CLIL), 4C моделіне, Мейердің CLIL пирамидасына және Блум таксономиясын қолдана отырып сабақтарды жоспарлаудағы 20 негізгі қадамға негізделген практикалық ресурс болып табылады. Сондай-ақ бұл құралда жаратылыстану-математикалық және қоғамдық-гуманитарлық бағыттағы сабақтардың мысалдары келтірілген.

Материалдар кітапта үш тілде (ағылшын, қазақ және орыс) берілген.

Кітапты келесі сілтеме бойынша еркін түрде жүктеп алуға болады: https://gse.nu.edu.kz/wp-content/uploads/2021/02/BOOK_CLIL.pdf

Назарбаев Зияткерлік мектептері мұғалімдерінің 9 бейнеролигі ЭЫДҰ сайтында жарияланды

by Cepadmin | Нау 1, 2021 | Жаңалықтар, Нақты

Назарбаев Зияткерлік мектептері мұғалімдерінің 9 бейнеролигі ЭЫДҰ сайтында жарияланды

ЭЫДҰ, ЮНЕСКО және «Білім беру мұғалімдері – 2030» Халықаралық мақсатты тобы бірігіп, бүкіл әлем бойынша COVID-19 пандемиясы кезіндегі мұғалімдердің білім беру тәжірибесін зерттеу мақсатында Global Teaching InSights бастамасын іске қосты. Бұл бастаманың басты мақсаттарының бірі – жаһандық диалогты дамыту.

«Назарбаев Зияткерлік мектептері» ДББҰ-ның Білім беру бағдарламалары орталығы бұл бастаманы қолдап ЭЫДҰ хатшылығына жіберуге 9 бейнеролик ұсынды. Нәтижесінде Қазақстаннан ұсынылған бейнероликтердің барлығы іріктеуден өтіп, ЭЫДҰ-ның ресми сайтында жарияланды.

Бейнероликтердің авторлары: Ақзат Кауысова (Ақтобе қ. ФМБ НЗМ), Айбарша Аманиязова (Атырау қ. ХББ НЗМ), Нұрболат Мұхамеджан (Қарағанды қ. ХББ НЗМ), Алтынгүл Хасенова (Қарағанды қ. ХББ НЗМ), Айгерім Мусина (Нұр-Сұлтан қ. ФМБ НЗМ), Әлия Андақаева (Семей қ. ФМБ НЗМ), Нұргүл Жаңабаева (Тараз қ. ФМБ НЗМ), Алтынай Асылбекова (Шымкент қ. ФМБ НЗМ), Патрик Мутеивана (Ақтау қ. ХББ НЗМ).

Сіз сілтеме бойынша өтіп, әлемнің барлық түкпірінен келген мұғалімдердің бейнероликтерімен танысып, оларға баға беріп, пікір қалдыра аласыз.

Солтүстік Қазақстан облысының Петерфельд ауылында Абай атындағы орта мектептің математика мұғалімдеріне арналған вебинар

by Cepadmin | Ақп 9, 2021 | Жаңалықтар

Солтүстік Қазақстан облысының Петерфельд ауылында Абай атындағы орта мектептің математика мұғалімдеріне арналған вебинар.

2021 жылы 3-4 ақпан күндері Білім беру бағдарламалары орталығының пәндік үйлестірушісі Т.У. Әубәкіров Солтүстік Қазақстан облысының Петерфельд ауылында Абай атындағы орта мектептің математика мұғалімдеріне «Статистика және ықтималдық теориясы» тақырыбында екі күндік вебинар өткізді.

Бұл вебинар – Білім беру бағдарламалары орталығының бастамасымен қолға алынған Петерфельд ауылы Абай атындағы орта мектептің математика мұғалімдеріне арналған вебинарлар топтамасының алғашқысы.

Вебинардың бірінші күні ықтималдық теориясының негіздері қарастырылды, мұғалімдердің білімі тәжірибелік тапсырмалар арқылы тексерілді. Екінші күнгі вебинар ықтималдықтарды қосу және көбейту формулаларын қолдануға, оқиғаның шартты ықтималдығын есептеуге, сондай-ақ оқиғалардың тәуелсіздігін анықтауға арналған тапсырмаларды талдауға арналды. Қатысушылардың кері байланысы осы вебинардың пайдалылығы мен уақыт сұранысына сай екенін көрсетті. Келесі вебинарлар 2021 жылдың наурыз-сәуір айларына жоспарланып отыр.

7-сыныпқа арналған оқулықтар мен ОӘК авторларының семинары

by Cepadmin | Жел 28, 2020 | Іс-шаралар

7-сыныпқа арналған оқулықтар мен ОӘК авторларының семинары

2021 жылдың 5, 6 және 8 қаңтарында 7-сыныпқа арналған қазақ және орыс тілдеріндегі «Көркем еңбек (ұлдарға арналған)», «Көркем еңбек (қыздарға арналған)» және «Қазақ тілі мен әдебиеті» пәндерінен оқулықтар мен оқу-әдістемелік кешендерді қайта қарау бойынша авторларға арналған оқыту семинары онлайн форматта өткізіледі. Семинарға «НЗМ» ДББҰ филиалдары мен тыс ұйымдардың 9 қызметкері қатысады.

5-сыныпқа арналған оқулықтар мен ОӘК авторларының семинары

by Cepadmin | Жел 28, 2020 | Іс-шаралар

5-сыныпқа арналған оқулықтар мен ОӘК авторларының семинары

2021 жылдың 5, 6 және 8 қаңтарында 5-сыныпқа арналған қазақ және орыс тілдеріндегі «Математика», «Жаратылыстану», «Қазақстан тарихы», «Дүниежүзі тарихы» пәндерінен оқулықтар мен оқу-әдістемелік кешендерді қайта қарау бойынша авторларға арналған оқыту семинары онлайн форматта өткізіледі. Семинарға «НЗМ» ДББҰ филиалдары мен тыс ұйымдардың 17 қызметкері қатысады.